Sali Berisha do të paraqitet sot në SPAK pas vendimit të Apelit të Posaçëm për masën “Detyrim paraqitje”. Ai do të duhet të paraqitet dy herë në muaj, dhe sot, më 6 janar, është dita e parë për këtë vit. Partia Demokratike ka shpallur protestë përpara SPAK në mbështetje të Berishës, duke e cilësuar masën si një “krim kushtetues” dhe një përpjekje për ta persekutuar politikisht.
Partia Demokratike ka paralajmëruar një protestë për të mbështetur të drejtën e Sali Berishës, ndërsa ai e ka quajtur masën “Detyrim paraqitje” si një veprim pa bazë ligjore, të orkestruar për qëllime elektorale. Edhe Partia e Lirisë e ka cilësuar vendimin si një turp për drejtësinë e kapur dhe një përpjekje për të përndjekur liderët e opozitës.
