Policia ka arrestuar një 35-vjeçar në Durrës, pasi u kap në flagrancë me një armë kallashnikov në një lokal, ku ishte përfshirë në një sherr me disa persona për motive të dobëta.
Ngjarja ka ndodhur në lagjen nr. 13, ku shërbimet e Patrullës së Përgjithshme të Komisariatit të Policisë Durrës kanë ndërhyrë për të shmangur përshkallëzimin e situatës. Gjatë kontrollit, u gjet dhe sekuestrua arma e zjarrit që 35-vjeçari, Geront Vrioni, kishte me vete.
Ai u arrestua për veprën penale “Mbajtja pa leje dhe prodhimi i armëve, armëve shpërthyese dhe i municionit”, ndërsa hetimet vijojnë për të zbardhur shkakun dhe rrethanat e konfliktit.
