Policia e Durrësit ka arrestuar një 25-vjeçar, të shpallur në kërkim që nga shtatori i vitit 2023, për akuzën e prodhimit dhe shitjes së narkotikëve.
Aleksi Kaçani, banues në Durrës, u kap pas kontrolleve të policisë në qytet, ku dyshohej se shiste drogë në zonën e plazhit dhe në lokale nate.
Ky arrestim është një pjesë e operacionit për lokalizimin dhe kapjen e personave të shpallur në kërkim për aktivitete kriminale të lidhura me narkotikët. I arrestuari do të përballet me akuzat për veprat penale të lidhura me lëndët narkotike.
