Një rast i parë i infektimit me virusin HMPV është konfirmuar në Greqi, në qytetin e Selanikut.
Bëhet fjalë për një 71-vjeçar, i cili ka simptoma të rënda të pneumonisë dhe ndodhet i intubuar në spitalin “Papanikolou”. Pacienti u dërgua fillimisht në një klinikë private, por për shkak të përkeqësimit të gjendjes, ai u transferua në spitalin shtetëror, ku iu diagnostikua me virusin metapneumovirus (HMPV).
Virusi, që ka shënuar një rritje të rasteve në Kinë, shkakton simptoma të ngjashme me gripin dhe mund të çojë në komplikime të rënda, sidomos tek të moshuarit dhe fëmijët e vegjël.
