Disa ditë më parë Ramazan Mataj u vra në fshatin Dobraç të Shkodrës. Autori i vrasjes së tij është Arjon Hasaj dhe vëllai i tij dyshohet për bashkëpunim në vrasjen e Ramazan Matajt. Babai i Arjon, Rrustem Hasaj kërkoi që drejtësia të vazhdojë hetimin dhe djali i tij të marrë dënimin e merituar.
“Jam i mbaruar nga ky gjest. I kërkoj ndjesë familjes së tij. Ta dinte baba, në këtë gjendje sdo shkonte. Unë kam qenë në Tiranë, e mora vesh më vonë, s’kam pasur asnjë info kanë apo jo armë. I kërkoj falje fisit, të atit të tij. Kemi pasur shoqëri. Unë vetë nuk ka qenë në dijeni, s’do ta lejoja të ndodhte. Ai që e ka bërë, marrtë dënimin e merituar. S’kam fytyrë t’i çoj njeri te shtëpia, nuk kam shkuar. I kërkoj ndjesë Fatmir Matës, më ka marrë në qafë me katër fëmijë”, tha ai për emisionin “Top Story”.
Gjithashtu ai tha se ishte në dijeni të faktit se viktima kishte ngacmuar vajzat e tij.
“Djali ka deklaruar se është prishur me burrin e parë nga ky person, me burrin e dytë po ashtu. Unë e kam lënë në heshtje, jam në dijeni që e ka ngacmuar. Kërkoj të largohen së bashku me familjen”, u shpreh babai i Arjon Hasaj.
