Mediat spanjolle shkruajnë se bandat shqiptare kanë fituar rëndësi në Spanjë. Ata po e mbushin Evropën me kokainë, sipas ekspertëve. Për këtë arsye, ministri i Brendshëm, Fernando Grande-Marlaska, e cilësoi si “të rëndësishëm” operacionin e zhvilluar të mërkurën në Vigo, ku rezultuan nëntë të arrestuar, shumica shqiptarë. Policia Kombëtare dhe Shërbimi i Mbikëqyrjes Doganore sekuestruan rreth 1100 kilogramë kokainë.
Droga ishte e kamufluar në një kontenier që ishte shkarkuar nga anija tregtare Cape Citius me flamur të Qipros, e cila u ankorua në mesjavë në portin e Vigos, përpara se të vazhdonte drejt Malagës. Në mesin e nëntë të arrestuarve janë një ose disa drejtues. Kapiteni u alarmua kur zbuloi disa pako me kokainë në gropë.
Porti i Vigos po bëhet skena e shkarkimeve të rëndësishme të drogës. Disa vite më parë, disa çanta shpine me 50 apo 100 kilogramë drogë mbërritën të kamufluara mes frutash. Ishte e vështirë të gjeje dërgesa prej gjysmë toni ose më shumë se një mijë kilogramësh, siç ka ndodhur muajt e fundit në Vigo.
Prania e shqiptarëve në Galicia jo vetëm që nuk është sekret por vetë kreu Arousan i bandës së gjykuar për anijen e drogës i përmendi në një seancë të fundit që u mbajt në Vigo. Kreu i grupit u përlesh me një dëshmitar policie dhe i thirri gjykatës, përpara se të përjashtohej: “Non fumos nós, foron os albaneses”.
