Kreu i PD-së, Sali Berisha u shpreh sot për çështjen e mohimit të koalicioneve parazgjedhore, duke e cilësuar atë si një tentativë të Edi Ramës për të dëmtuar opozitën.
Berisha ka theksuar se për PD prioritet kryesor është sigurimi i votës për diasporën, e cila ka pasur një mbështetje të fortë nga eksponentët e diasporës që e çuan çështjen në Gjykatën Kushtetuese.
Ai ka deklaruar se kjo ka rezultuar në sanksionimin e ligjit për votën e diasporës dhe se PD është e angazhuar të bëjë çdo përpjekje për të siguruar transparencën në këtë proces zgjedhor.
“Çështja e mohimit të koalicioneve parazgjedhore është denoncuar fuqishëm në rezolutat ndërkombëtare si një problem me të cilin Edi Rama ka dashur të dëmtojë me çdo kusht opozitën.
Sigurisht ne do e kërkojmë dhe e kemi kërkuar dhe insistojmë se ajo është një shkelje e rëndë për partitë opozitare.
Ndoshta partitë e mëdha më pak, por partitë e tjera i dëmton qartësisht….
Do rishqyrtohet, por nuk mund të them se do vendoset si kusht sepse ne i kemi dhënë përparësi absolute votën së diasporës, të cilën nuk e ka dashur Edi Rama, por merita e eksponentëve të diasporës që e çuan në Gjykatë Kushtetuese dhe e qëndrimeve tona.
Ajo votë të paktën është sanksionuar në ligj.
Ne jemi të vendosur të bëjmë çdo përpjekje për t’i shërbyer mundësimit të transparencës së saj” tha ai.
Çmimi i energjisë/ Berisha: Kjo është një ulje tipike elektorale për të grabitur votat
