Ish-kryeministri Sali Berisha kishte një denoncim të fortë ditën e sotme për vëllanë e kryeministrit Edi Rama. Berisha bëri publik një mesazh që i kishte ardhur në lidhje me vëllanë e kryeministrit për dosjen Xibraka.
“Pse e ka përdorur kaq shumë herë makinën e grupit të Xibrakës? Zotit Rama që del, i them që e njoftoj se BKH dixhitale ka njoftuar se në 7.12.2024 është protokolluar një letër e nënshkruar nga Zaho Koka, dmth dërgues anonim.
Letra ka informacion për Olsi Ramën, Genci Xhixhën dhe Ermal Hoxhën. Në letër është një foto e qartë ku dukej Olsi Rama dhe Genci Xhixha në një makinë në një qytet europian dhe jepej informacion për rrëmbimin e një biznesmeni V.B.
Në dhjetor 2015, tani fati i letrës, iu dha për verifikim OPGJ-së me inicialet E.T. në datë 9 pasi u dorëzua në datë 7 të muajit Dhjetor.
Në 11 Dhjetor ky OPGJ, qenka djalë u thirr nga drejtuesja famoze, Hanije, Aida Hajne, që është spiune e çmendur e Ramës në BKH-së dhe iu komunikua ndërprerja e veprimeve të mëtejshme.
Kështu thotë BKH-ja dixhitale. I thashë Ramës dje, që do të ketë lajme. Do të kesh lajme prapë” tha Berisha.
