Ish-Zonja e Parë e SHBA-së, Michelle Obama, nuk do të marrë pjesë në ceremoninë e inaugurimit të Donald Trump, njoftoi zyra e saj më 14 janar 2025.
Sipas deklaratës, ish-presidenti Barack Obama do të jetë i pranishëm, ndërsa Michelle Obama ka vendosur të mos marrë pjesë, por arsyeja e mungesës së saj nuk është specifikuar. Ajo gjithashtu nuk mori pjesë në funeralin e ish-presidentit Jimmy Carter, megjithëse shumë figura të tjera të shquara politike ishin të pranishëm.
Michelle Obama ka marrë pjesë në çdo inaugurim që nga ai i bashkëshortit të saj në vitin 2009, përfshirë inaugurimin e Trump në 2017.
