Presidenti Bajram Begaj në rrjetet sociale ka përkujtuar Masakrën e Reçanit. Begaj shpreh mirënjohje për ambasadorin amerikan William G.Walker dhe e thekson si “Kalorësi i Urdhrit të Flamurit”.
“Më 15 janar 1999, në fshatin Reçak të Kosovës, u ekzekutuan dhe masakruan barbarisht nga njësitë kriminale serbe 45 shqiptarë civilë të paarmatosur.
Denoncimi i kësaj masakre ndryshoi historinë e Kosovës dhe qasjen e komunitetit ndërkombëtar ndaj saj.
Lavdi përjetë burrave dhe grave të Kosovës, që qëndruan për lirinë e saj!
Mirënjohje Ambasadorit amerikan William G. Walker, “Kalorës i Urdhrit të Flamurit”!”, shkruan Begaj.
