Sekretari amerikan i Shtetit, Antony Blinken, shprehu optimizëm për armëpushimin e arritur mes Izraelit dhe Hamasit, duke theksuar se ai do të hyjë në fuqi të dielën, siç ishte planifikuar, pavarësisht disa pengesave të minutës së fundit.
Në një konferencë për shtyp, Blinken tha se kishte zhvilluar bisedime këtë mëngjes me negociatorin amerikan, Brett McGurk, dhe zyrtarë të Katarit për të zgjidhur disa çështje teknike që po pengonin implementimin e marrëveshjes.
“Nuk është çudi që në një proces, në një negociatë që ka qenë kaq e vështirë, mund të kesh ngërçe. Ne po e zgjidhim këtë ngërç ndërsa flasim”, shtoi ai.
