Tenori Armaldo Kllogjeri njoftoi sot se ka fituar gjyqin ndaj Teatrit të Operës dhe Baletit, pasi e hoqën nga puna. Ai shprehet se tani lufta do të vazhdojë me qëllim që ai të rikthehet sërish në punë në Teatrin e Operës dhe Baletit.
“Ju e dini që prej disa muajsh unë kam hedhur në gjyq Teatrin e Operas dhe Baletit dhe kam thënë që për bukën e fëmijëve të mi do t’i shkoj deri në fund kësaj çështje. Doja t’ju falënderoja nga zemra për mbështetjen dhe suportin që më keni dhënë.
Por gjithashtu dua të ndaj me ju një lajm të gëzueshëm që kam fituar gjyqin me Teatrin e Operas dhe Baletit, në fakt me ish-drejtoreshën e Operas dhe Baletit e cila ka shkelur ligjin me të dyja këmbët. Tashmë lufta vazhdon për tu rikthyer në Teatrin e Operas dhe Baletit” shkruan ai.
