Mike Waltz, këshilltari i sigurisë kombëtare i presidentit të zgjedhur të SHBA-së, Donald Trump, deklaroi se Hamasi nuk duhet të sundojë kurrë Rripin e Gazës.
“Hamasi nuk do ta sundojë kurrë Gazën. Kjo është krejtësisht e papranueshme”, tha Waltz në një intervistë për CBS News.
Waltz shtoi se administrata e ardhshme e Trump do t’i ofrojë mbështetje të plotë Izraelit në rast të shkeljes së marrëveshjes së armëpushimit nga Hamasi.
“Nëse Hamasi tërhiqet, ndryshon kushtet ose nuk respekton marrëveshjen, ne do ta mbështesim Izraelin në çdo veprim që do të konsiderohet i nevojshëm”, tha ai.
