Sali Berisha është paraqitur në SPAK në zbatim të vendimit të Gjykatës së Posaçme të Apelit që e la nën masën “detyrim paraqitje” për dosjen “Partizani”. Si radhën e shkuar, demokratët kanë nisur protestën e tyre në orën 09:30 përpara ambienteve të Prokurorisë së Posaçme.
“Vendosa të zbatoj vendimin sepse ka një proces parlamentar të pseudo-mazhorancës kundër meje, e cila autorizoi drejtësinë, unë nuk mund të them se nuk ekziston ajo, pavarësisht se ishte antikushtetues, por ishte një proces parlamentar. Kjo masë sigurie do më shtojë më shumë votat sepse u faktua kjo”, u shpreh Berisha para mediave në oborrin e SPAK.
