Kreu i Demokratëve Euroatlantikë Lulzim Basha ka marrë pjesë në ceremoninë e inaugurimit të presidentit Donald Trump.
Basha u takua edhe me kongresmenin Dan Crenshaw një patriot dhe veteran i U.S. Navy SEALS me pesë misione jashtë vendit. Ai shprehet se me Dan Crenshaw ka diskutuar për forcimin e bashkëpunimit strategjik mes Shqipërisë dhe Shteteve të Bashkuara të Amerikës.
“Na bashkojnë vlerat demokratike dhe na afron më shumë kontributi i shqiptarëve të Teksasit, të cilët me punën e tyre kanë arritur të jenë një faktor i rëndësishëm në atë shtet. Në bisedën tonë, diskutuam për rëndësinë e forcimit të bashkëpunimit strategjik mes Shqipërisë dhe Shteteve të Bashkuara të Amerikës. Mezi pres t’i uroj mirëseardhjen në vendin tonë, për të parë nga afër bukuritë e tij dhe mikpritjen e shqiptarëve’, shkruan Basha.
