Kryetari i Partisë Demokratike, Sali Berisha, ka marrë leje nga SPAK për të udhëtuar jashtë vendit më 3 shkurt, duke u përjashtuar nga paraqitja për hetimet që po zhvillohen ndaj tij.
Ai ka sqaruar për News24 se arsyeja e vizitës është pjesëmarrja në një aktivitet në Gjermani, ku do të takohet me aktivistët dhe militantët e PD-së për të diskutuar regjistrimin e emigrantëve për zgjedhjet e 11 majit.
Pyetja: A shënjon një moment paqeje midis jush dhe SPAK?
Berisha: Nuk shënjon sepse nuk ka asnjë motiv që unë të ndalohem të shkoj jashtë, se kjo do të ishte pastaj kufizim i lëvizjes jashtë. Jam gati të shkoj dy ditë rresht pas kësaj dite për konferencë. Nuk përtoj. Kam një aktivitet mediatik të hatashëm atje.
Kujtojmë se Berisha nuk do të paraqitet në SPAK më 3 shkurt, pasi GJKKO ka miratuar kërkesën e paraqitur nga avokatët e kreut demokrat për të mos u paraqitur.
