Policia e Tiranës ka arrestuar një 29-vjeçar, i cili dyshohet për shpërndarje dhe shitje lëndësh narkotike.
Operacioni ka zhvilluar pas informacioneve se ai shpërndante drogë në zonën e Astirit. Gjatë kontrollit të banesës dhe biznesit të tij, u sekuestruan dy qese plastike me kokainë të ndarë në doza për shitje, sasi kanabisi, tre peshore për matjen e drogave dhe një shumë parash të dyshuara të përfituara nga veprimtaria e jashtëligjshme.
Shtetasi E. B., banues në Tiranë, u arrestua në flagrancë dhe materialet e tij janë referuar Prokurorisë për akuzën e prodhimit dhe shitjes së narkotikëve.
