“Shqipëria bëhet! Nuk ka kthim pas”! Drejtuesi i Lëvizjes “Shqipëria Bëhet” Adriatik Lapaj ndalesën e radhës e kishte në Hamburg. Mes qindra shqiptarëve, thirrjeve “Rama ik” dhe besimit se Shqipëria bëhet, aktivistë, simpatizantë shqiptarë që janë vendosur vite më parë por edhe kohët e fundit në Gjermani mbështetën Adriatik Lapajn.
“Fuqia më e madhe e shqiptarëve sot është Diaspora. Tani harxhojnë para për të mbajtur avion personal për një njeri që është kryeministri i vendit më të varfër në Europë. 15 mijë Euro ora. Ne kemi parë që të ndërtojë brenda Kryeministrisë një kopsht 5.3 mln Euro që e shikon vetëm ai. Fjalën e fundit duhet ta thotë qytetari përmes referendumit. Shqiptarët duhet të thonë ‘Ndalu Bek se ka hendek’” tha ai ndër të tjera teksa shpalosi programin për zgjedhjet e 11 Majit.
Pas Hamburgut ndalesa tjetër ishte në Ultrecht, Holandë, ndërsa në 15 Shkurt do të jetë në Venezia, Itali. Lapaj është duke zhvilluar një tur me diasporën nga Europa në Amerikë duke kërkuar mbështetjen e tyre për të hapur një faqe të re për Shqipërinë.
