Kryeministrja italiane Giorgia Meloni është vënë nën hetim gjyqësor lidhur me lirimin e papritur të vendit të saj të një oficeri policie libian të kërkuar nga Gjykata Penale Ndërkombëtare.
Meloni në rrjetet sociale ka reaguar duke thënë se nuk ka asnjë detyrim që të japë dorëheqjen. Ajo ka shprehur se vendosja nën hetim në Itali nuk nënkupton fajësinë dhe as nuk do të thotë se do të pasojnë domosdoshmërisht akuza formale.
“Nuk do të shantazhohem, nuk do ta lejoj veten të trembem, për këtë arsye nuk jam, le të themi, e papëlqyeshme nga ata që nuk duan që Italia të ndryshojë dhe të bëhet më e mirë”, tha Meloni në një video të postuar në profilin e saj në Facebook.
Ajo tha se edhe ministri i Drejtësisë Carlo Nordio, Ministri i Brendshëm Matteo Piantedosi dhe nënsekretari i kabinetit për çështjet e inteligjencës, Alfredo Mantovano janë vënë gjithashtu nën hetim.
