Familjarët e 12-vjeçarit Leo Sadikut kanë kallëzuar penalisht në polici mjeken e QSUT dhe spitalin e Korçës, sipas News 24. Ata akuzojnë mjekët për neglizhencë dhe mos trajtimin e duhur të djalit të tyre.
Nëna e Leos ka treguar se dajli i saj nuk është trajtuar për 7 orë kur ka ardhur në Tiranë. Gjithashtu ajo përgenjeshtron edhe lajmet e publikuara në disa media, ku flitet për dhunë ndaj mjekes që ka trajtuar djalin e saj.
“Jam përballur me mjeken në QSUT, teksa kishim mbesën në spital. Kur e kam parë më janë errur sytë, dhe më është rikthyer e gjitha çfarë kishte ndodhur. I kam thënë se pse ma vrau djalin dhe i jam afruar. Aty me ka rënë të fikët. Ka pasur dëshmitar që nuk e kam dhunuar atë mjeke. Unë këtë çështje ia kam lënë drejtësisë dhe pres që për djalin tim 12-vjeçar, të bëhet drejtësi”, ka shprehur nëna e 12-vjeçarit.
