Pas disa muajsh hetimesh, Seksioni për Hetimin e Narkotikëve ka finalizuar operacionin “Collaboration 2”, duke arrestuar tre persona në flagrancë, ndërsa ata po shisnin kokainë. U sekuestruan 107 gramë lëndë narkotike dhe tre celularë.
Arrestimet u realizuan pranë një qendre tregtare, kur u gjet droga tek një prej të dyshuarve, 19-vjeçarit Xh. M. të cilit iu bë kontroll fizik.
Personat e arrestuar janë I. C. dhe A. C. (21 vjeç), si dhe Xh. M. (19 vjeç), të gjithë banues në Tiranë. Materialet i kaluan Prokurorisë për veprime të mëtejshme.
