Kryegjyshi Botëror i Bektashinjve, Haxhi Dede Edmond Brahimaj, ka vlerësuar figurën e kryepeshkopit Anastas Janullatos, i cili u nda nga jeta disa ditë më parë.
Gjatë homazheve, Baba Mondi tha se Anastas ishte një personalitet i rëndësishëm për Kishën Ortodokse shqiptare dhe kishte bashkëpunuar me komunitetet fetare. Ai theksoi se Janullatos do të mbahet mend për veprën e tij të lënë pas për Kishën dhe shqiptarët.
“Ishte personalitet i Kishës Ortodokse shqiptare. Ka qenë njeri që ka bashkëpunuar me komunitetet fetare dhe mua personalisht. Më vjen keq që çdo njeri largohet nga kjo botë, por ai largohet me një vepër që ka lënë pas kishës ortodokse shqiptare, por edhe shqiptarëve. Ngushëllime Kishës Ortodokse, zoti e pastë në parajsat e veta”, tha Baba Mondi për mediat.
