Albana Vokshi, ish-kryetare e Komisionit Hetimor Parlamentar për Shëndetësinë dhe koncesionet, është paditur për shpifje nga koncesionari i Check Up, “3P Life Logistic” i Vilma Nushit. Vokshi nuk ka qenë e pranishme në seancën e parë gjyqësore për zgjidhjen e çështjes me pajtim.
Vokshi akuzoi se koncesionari kishte fituar miliona euro nga kontratat, duke përfshirë projektin e Check Up që është aktualisht nën hetim nga SPAK.
Nga ana tjetër, koncesionari ka deklaruar se vlera e projektit është 63 milionë euro për një periudhë 10-vjeçare, dhe jo 130 milionë siç ishte thënë. Seanca e radhës është caktuar për më 11 shkurt.
