Plagosi me thikë mbrëmjen e djeshme 46-vjeçarin me inicialet G. K. gjatë një konflikti, arrestohet 42-vjeçari në Tiranë. Ngjarja ka ndodhur në rrugën “Siri Kodra” rreth orës 20:30.
“U arrestua A. C., 42 vjeç, banues në Tiranë, për veprat penale “Vrasje me dashje” e mbetur në tentativë dhe “Prodhimi, mbajtja, blerja apo shitja pa leje e armëve të ftohta”.
Nga veprimet hetimore dyshohet se 42-vjeçari, gjatë një konflikti për motive të dobëta, ka plagosur me mjet prerës shtetasin G. K., 46 vjeç, i cili ndodhet në spital, nën kujdesin e mjekëve” njofton policia.
Materialet i kaluan Prokurorisë për veprime të mëtejshme.
