Nga kuvendi rinor socialist, kryeministri Edi Rama u shpreh i sigurtë për fitoren e mandatit të katërt radhazi në 11 Maj. U tha shqiptarëve për Sali Berishën se “këneta e një opozite bretkosash që ka në krye një buf kënete”.
Premtoi edhe njëherë tjetër integrimin e Shqipërisë në BE në vitin 2023. “100 ditë nga sot, PS, forca e përbashkët e djemve, vajzave, djemve, grave, gjyshërve, gjysheve, forca e përbashkët e shqiptarëve, do ta marrë mandatin e katërt për ta ngjitur Shqipërinë në majën e lartë të 2030, aty ku vendi ynë do të jetë si gjithë Europa.
Në atë majë, ne do vendosim flamurin kombëtar, ku është oborri i familjes europiane, ku do jemi anëtarë të BE-së, si të barabartë mes të barabartëve” tha ai. Nuk u kursye të sulmojë edhe mediat, që sipas tij “në kanale dhe portale përhapet llumi i kënetës”.
