Policia angleze ka arrestuar shqiptarin Zenan Lleshi i cili ishte një ushtar pa pagesë dhe kujdesej për më shumë se 100 bimë kanabisi brenda adresës së Shelton. Zenan Llleshi 59-vjeçar tentoi që të largohej por policia e fut brenda me forcë duke e arrestuar. Oficerët sekuestruan 110 bimë kanabisi nga dy dhomat e gjumit. Ai është burgosur me 16 muaj në Stoke-on-trent Crown Court.
Prokurori Matthew Ness tha se policia vizitoi një adresë në Castlefield Street në orën 15:00 më 27 nëntor, pasi mori njoftime se një erë e fortë kanabisi dilte nga prona.
Ai tha se: “Ka pasur prova të anashkalimit të energjisë elektrike. Policia bëri hyrje të detyruar. Ndërsa e bënë këtë, i pandehuri u përpoq të arratisej nga dritarja e banjës, por ai u ndalua”.
Më pas ofiocerët zbuluan se shtëpia ishte shndërruar në një fabrikë kanabisi me 60 bimë në një dhomë gjumi dhe 52 në tjetrën. Ndërsa papafingo ishte për rritjen e kanabisit, por nuk përmbante bimë. Shqiptari u deklarua fajtor për prodhimin e një droge të klasit B.
Në sallën e gjyqit gjykatësi i tha shqiptarit që “Një operacion profesional dhe i sofistikuar i rritjes së kanabisit ishte ngritur brenda asaj prone.Në intervistën tuaj ju thatë se keni ardhur në Mbretërinë e Bashkuar ilegalisht me një varkë të vogël në gusht 2022. Ju kishit një borxh prej 10,000 £ për të shlyer për ardhjen tuaj të paligjshme këtu. Ju jeni një baba dhe gjysh që keni ardhur këtu nga Shqipëria në kërkim të një jete më të mirë.
Ti ishe një ushtar këmbësor me pagesë, duke punuar nën drejtimin për të mbajtur dhe për t’u kujdesur për bimët. Fermat e kanabisit si kjo nuk mund të funksionojnë pa njerëz si ju të përgatitur për të ndërmarrë punë kriminale për një shpërblim financiar afatshkurtër.”
