Presidenti amerikan Donald Trump njoftoi se do të vendosë “me siguri” tarifa për produktet evropiane, pa specifikuar se kur.
“Ne do të bëjmë diçka shumë thelbësore me tarifat ndaj Bashkimit Evropian” u tha ai gazetarëve në Zyrën Ovale. “A duhet të vendos tarifa ndaj BE-së? E doni përgjigjen e vërtetë apo atë diplomatike? Sigurisht. “BE na trajtoi shumë keq” shtoi ai.
Trump tha gjithashtu se Kanadaja, Meksika dhe Kina nuk mund të bëjnë më asgjë për të shmangur tarifat, duke shtuar se tarifat do të vendosen edhe për mikroçipet, naftën dhe gazin natyror, me gjasë deri më 18 shkurt.
Më herët Shtëpia e Bardhë njoftoi se nga nesër, 1 shkurt, do të vendosen tarifa prej 25% për të gjitha produktet e importuara nga Kanadaja dhe Meksika dhe 10% për ato nga Kina. Por Trump tha se ka të ngjarë të ulë tarifat për naftën kanadeze në 10%.
