Një 37-vjeçar shqiptar nga Kosova, Sabit Hadzijaj, është gjetur i pajetë në një rrugicë të Strasburgut.
Ai kishte kohë që jetonte në kushte të vështira ekonomike dhe ishte strehuar në një cep pallati në qytet. Hadzijaj u gjet mëngjesin e 1 shkurtit në lagjen afër stacionit të trenit të Strasburgut.
Shkaku i vdekjes do të përcaktohet nga rezultatet e autopsisë, ndërkohë që ai ka qenë një person që ka pasur vështirësi të vazhdueshme me strehimin dhe jetesën.
