Kryeminsitri Edi Rama në rrjetin social do tu përgjigjet pyetjeve të komentuesve. Rama ka folur për ndarjen nga jeta e Kryepeshkopit Anastas Janullatos.
Rama u shpreh se Kryepeshkopi u ka mbyllur gojën të gjithëve dhe nuk ka lënë asnjë shteg për rolin dhe figurën e tij.
“Kryepeshkopi Anastas ka mbyllur të gjithë gojët dhe nuk ka lënë asnjë shteg për rolin dhe figurën, bilancin historik të qëndrimit të tij në krye të Kishës. Kur tha pasardhësi im do të jetë një shqiptar dhe që nuk kemi shkuar në Shqipëri për të ndërtuar një kishë Autoqefale, jo një koloni, ka treguar shumë. Në momentin e ardhjes së tij ishte e pashmangshme vendosja e një Kryepeshkopi jo shqiptar, pasi nuk kishim mundësi pas një ndërprerje të gjatë që të kishim një Kryepeshkop shqiptar. Teoritë e konspiracionit janë pa vend në këtë shekull”, tha Rama.
