-sidi education-spot_img
12.5 C
Tirana
-sidi education-spot_img

UEFA vendos! Shqipëria dhe Serbia organizatorë të Kampionatit Europian U-21 2027

Kryesoret

Shqipëria do të jetë një nga vendet organizatore të Kampionatit Europian U-21 në vitin 2027.

Turneu do të zhvillohet në qershor, me 16 skuadra pjesëmarrëse. Ky do të jetë eventi më i madh sportiv në historinë e Shqipërisë, duke mundësuar përmirësimin e infrastrukturës futbollistike.

Presidenti i FSHF-së, Armand Duka, e vlerësoi këtë si një mundësi për forcimin e marrëdhënieve mes Shqipërisë dhe Serbisë.

“Ky është një vendim shumë i rëndësishëm nga UEFA, sepse Kampionati Europian U-21 i vitit 2027 do të jetë më shumë sesa një turne futbolli. Ai do të shërbejë si një katalizator për të thyer barriera, për të forcuar mirëkuptimin e ndërsjellë dhe për të krijuar një të ardhme më pozitive për popujt e Shqipërisë dhe Serbisë. Ky turne do të tregojë gjithashtu se çfarë mund të arrihet kur njerëzit bashkohen rreth një objektivi të përbashkët, të frymëzuar nga fuqia e futbollit.

Ky do të jetë eventi më i madh sportiv në historinë e Shqipërisë. Prandaj, ai na jep mundësinë që, me mbështetjen e UEFA-s, të modernizojmë stadiumet dhe infrastrukturën e futbollit në të gjithë vendin. Gjithashtu, ky organizim do të krijojë një trashëgimi të qëndrueshme për të frymëzuar brezat e ardhshëm të lojtarëve, vullnetarëve dhe tifozëve në të dyja vendet”, u shpreh Duka.

Ndeshjet do të zhvillohen në disa qytete të Shqipërisë, përfshirë Tiranën dhe Shkodrën.

/5pyetjet.al

spot_img
spot_img
spot_img
spot_img
spot_img
- Advertisement -spot_img

Më tepër

- Advertisement -spot_img

Lajmet e fundit