Policia belge është në kërkim të personave të armatosur pas disa të shtënave në stacionet e metrosë së kryeqytetit.
Sipas mediave të huaja, pamjet e CCTV tregojnë të paktën dy burra të veshur me kapuç dhe duke mbajtur armë kallashnikov në hyrje të stacionit Clemenceau në Bruksel herët të mërkurën.
Policia federale, si dhe policia hekurudhore dhe njësi të tjera, kanë bërë thirrje për përforcime në zonë. Nuk raportohet për të lënduar.
Stacioni Clémenceau është mbyllur, si dhe stacioni aty pranë Bruksel-Midi, i cili shërben gjithashtu si terminal për trenat e Eurostar. Gjithashtu dy linjat e metrosë që shërbejnë në qendër të Brukselit janë pezulluar nga Gare de l’Ouest në Trône, që është afër Parlamentit Evropian.
