Ministri i Jashtëm Glauk Konjufca, bashkë me kryenegociatorin e Kosovës në dialogun me Serbinë Agron Bajramin, kanë mbajtur një takim me të dërguarin special të BE Peter Sorensen, në Bruksel, duke u shprehur se mbetemi të angazhuar për mbylljen e dialogut me Serbinë pëmes njohjes reciproke.
Fjala e Konjufcës
Ishte kënaqësi të mirëpresim Peter Sørensen në Ambasadën tonë në Bruksel për një diskutim të strukturuar mbi avancimin e dialogut për normalizimin e marrëdhënieve me Serbinë. Së bashku me kryenegociatorin tonë, Agron Bajrami, riafirmuam se Kosova mbetet plotësisht e përkushtuar dhe e angazhuar në mënyrë konstruktive në këtë proces — me synimin e qartë për ta përmbyllur atë përmes njohjes reciproke.
