Federata Shqiptare e Futbollit organizoi një event mirënjohjeje për ish-trajnerin e Kombëtares, Silvinjo, dhe dy zv.trajnerët, Dorival dhe Pablo Zabaleta, për kontributin e tyre gjatë tre viteve e gjysmë në krye të kuqezinjve. Presidenti i FSHF-së, Armand Duka, vlerësoi profesionalizmin dhe përkushtimin e tyre, duke u dhuruar trajnerëve fanella me mbishkrimin “Forever” si shenjë mirënjohjeje për historinë e futbollit shqiptar.
Silvinjo, në fjalën e tij, theksoi rëndësinë e marrëdhënieve njerëzore dhe bashkëpunimit me stafin e FSHF-së:
“Kur dikush e merr përsipër një punë, e merr përsipër që ta bëjë në 100% të saj… Secilin prej jush e kam në zemrën time. Faleminderit shumë, mirupafshim!”
Eventi u zhvillua në një atmosferë respekti dhe vlerësimi, duke nxjerrë në pah unitetin dhe përkushtimin që shoqëroi ekipin gjatë periudhës së tyre në krye të Kombëtares shqiptare.
