Një plagosje e rëndë ka ndodhur në Korçë, ku Kostandin Ziu, 26 vjeç, u paraqit në spital me plagë thike në qafë.
Burime nga policia bëjnë të ditur se dyshohet që plagosja të ketë ndodhur pas një konflikti mes dy personave, ndërsa hetuesit po kontrollojnë një mjet tip Renault Clio, ku dyshohet të jetë ndodhur ngjarja.
Policia ka kryer kontrolle në të gjithë zonën e lagjes 10 dhe është në kërkim të autorit të plagosjes.
Sipas informacionit të fundit, gjendja e të plagosurit është jashtë rrezikut për jetën, por për shkak të plagës serioze në pjesën e pasme të qafës, ai ka kërkuar një trajtim më të specializuar dhe është transportuar drejt Spitalit të Traumës për ndihmë të mëtejshme.
