Kryetarja e Kuvendit Elisa Spiropali ka pritur në takim udhëheqësen e lëvizjes demokratike të Bjellorusisë Svitlana Tsikhanouskaya, e cila ishte e shoqëruar edhe nga këshilltarët Francišak Viačorka, Dzianis Kuchynski dhe Anatol Liabedzka.
Spiropali e cilëson Tsikhanouskaya si simbol i gruas lider, një zë i forte dhe frymëzues për ndikimin mdaj vlerave të demokracisë, lirisë, drejtësisë dhe dinjtetit njerëzor.
“Prej 2020 bashkëshorti i saj është i burgosur politk në Bjellorusi dhe vuan dënimin bashkë me qindra aktivistë, gazetarë e qytetarë që kërkojnë rivendosjen e sistemit demokratik. Sviatlanës iu mohua fitorja si Presidente në zgjedhje. Ajo vazhdon misionin e opozitës bjelloruse dhe po e udhëheq atë me vizion e përkushtim drejt ndryshimeve transformuese demokratike.”, shprehet Spiropali.
