Një grup prej 79 shtetesh, përfshirë Shqipërinë, ka lëshuar një deklaratë të përbashkët, duke shprehur mbështetje të palëkundur për Gjykatën Penale Ndërkombëtare pas vendosjes së sanksioneve nga SHBA.
Sipas deklaratës, këto masa rrisin rrezikun e mosndëshkimit për krime të rënda dhe kërcënojnë rendin ndërkombëtar të ligjit, i cili është thelbësor për promovimin e sigurisë globale. Ata shtojnë se sanksionet mund të rrezikojnë sigurinë e viktimave, dëshmitarëve dhe zyrtarëve të gjykatës.
Kryeministri holandez Dick Schoof e ka cilësuar këtë si një “sinjal shqetësues”, duke theksuar rëndësinë për Holandën që Gjykata Penale Ndërkombëtare të funksionojë pa pengesa.
