Një aksident ka ndodhur këtë mbrëmje në bulevardin “18 Shtatori” në Gjirokastër, ku një ambulancë është përplasur me një makinë.
Si pasojë e përplasjes, është lënduar pacientja që ndodhej në autoambulancë, shtetasja V. K., e cila është dërguar menjëherë në spital për kujdes mjekësor. Aksidenti ka ndodhur rreth orës 16:55, ku automjeti i ambulancës, i drejtuar nga shtetasi R.T., ka goditur automjetin me drejtues shtetasin A.Sh.
Grupi hetimor është në vendngjarje dhe po punon për të sqaruar shkakun dhe rrethanat e aksidentit.
