Policia e Korçës ka zbardhur plagosjen e 29-vjeçarit Kostika Ruko, i cili pasditen e djeshme shkoi në spital me plagë thike në bark dhe në krahë.
Sipas bluve të qytetit juglindor, i riu është vetëplagosur me thikë, pas një konflikti me bashkëshorten dhe vjehrrin e tij. Dyshohet se ai ka qenë në gjendje të dehur kur e ka kryer këtë akt.
Ai është proceduar penalisht në gjendje të lirë dhe Policia ka referuar materialet në Prokurorinë e Korçës.
Aktualisht Kostika Ruko po merr ndihmë mjekësore në spitalin e Korçës dhe ndodhet jashtë rrezikut për jetën.
