Kryetari i PAA-së, Agron Duka nga protesta e opozitës kërkoi që Edi Rama të japë dorëheqjen pasi bëri propagandë për naftën në Shpirag dhe në fund kompania SHELL u largua pasi nuk doli asgjë.
“Kjo shumicë ka dalë nga binarët e ligjit, dhurojnë tokat në bregdet për shtëpi dhe vila luksi. Ata ia marrin tokën fshatarit pa e kompensuar. Ata miratojnë me bujë ligje për zonat e mbrojtura më pas i ndryshojnë natën. Ligji për këta nuk është asnjë pengesë. Arsyeja e dytë është se këta e kanë humbur sensin e qeverisjes.
Shell u largua nga Shpiragu. Por e mbani mend sa herë ka dalë kryeministri në konferenca duke bërë llogari sa do të fitonim nga nafta. Por sot a kanë moral dhe të dalin. Edhe një kryeplak ta kishte bërë këtë tek klubi i fshatit Shpirag duhet të dilte të jepte dorëheqjen” tha ai.
