Protestuesit e opozitës janë mbledhur pasditen e sotme në Bulevardin “Dëshmorët e Kombit” për të marshuar drejt Kryeministrisë, kundër qeverisë.
Gjatë protestës, përkrahësit e PD-së mbanin pankarta të ndryshme, duke përfshirë një që paraqiste liderin e PD-së, Sali Berishën, në “krah” të presidentit të SHBA, Donald Trump.
Po ashtu, një tjetër pankartë me mbishkrimin “Sy më sy dhe xhep me xhep” ironizonte rubrikën e re të Kryeministrit Edi Rama në rrjetet sociale, ku ai u përgjigjet pyetjeve të qytetarëve.
