Presidenti i Serbisë, Aleksandër Vuçiç, ka shpëtuar një aksident në mëngjesin e sotëm, pasi makina me të cilën ai po udhëtonte pësoi një problem me gomën. Në pamjet e publikuara, shihet makina që ka dalë nga rruga pas shpërthimit të gomës, ndërsa fillimisht kanë dalë nga mjeti dy truprojet e presidentit, dhe më pas Vuçiç ka dalë nga makina duke folur në telefon.
Pas incidentit, Vuçiç ka reaguar duke thënë se autoritetet po hetojnë ngjarjen për të përcaktuar se çfarë ndodhi me makinën. Ai shtoi se është e mundur që të ketë pasur një shpërthim të gomës, por se kjo do të konfirmohet nga hetimet që do të bëhen nga autoritetet kompetente.
Vuçiç falënderoi gjithashtu ata që u interesuan për ndihmë pas ngjarjes dhe u shpreh se gjithçka është nën kontroll.
