Kryetari i Partisë Demokratike të Kosovës, Memli Krasniqi votoi për zgjedhjet parlamentare. Ai ishte i shoqëruar edhe nga bashkëshortja e tij, Meliza Krasniqi.
“Sot është një ditë e mirë, e madhe dhe e rëndësishme për qytetarët, për demokracinë e Kosovës. Unë me Melizën sapo votuam me besimin e plotë për të ardhmen e qytetarëve, për mundësinë dhe potencialin për të pasur një jetë më të dinjitetshme për të gjithë”, tha ai.
Krasniqi tha se beson që kjo ditë duhet të shfrytëzohet nga të gjithë qytetarët me të drejtë vote që përmes ushtrimit të kësaj të drejte ta japin verdiktin se kah dëshirojnë ta drejtojnë vendin në katër vitet e ardhshme.
