Partia Demokratike e Kosovës (PDK) ka mbajtur sot mbledhjen e Këshillit Drejtues, ku janë diskutuar disa çështje të rëndësishme politike dhe ekonomike që prekin vendin.
Në mbledhje, u diskutua për situatën e rënduar ekonomike dhe procesin gjyqësor në Hagë ndaj ish-krerëve të Ushtrisë Çlirimtare të Kosovës (UÇK), që ka hyrë në fazën finale. PDK ka kërkuar një vendim të drejtë dhe të paanshëm në këtë proces, duke riafirmuar besimin në pafajësinë e liderëve të UÇK-së.
“PDK është shprehur se riafirmon bindjen e saj të palëkundur në pafajësinë e liderëve të UÇK-së dhe në pastërtinë e luftës çlirimtare. Në lidhje me gjendjen ekonomike, është theksuar se qytetarët po përballen me një rritje të papërballueshme të kostos së jetesës, ndaj kërkohen masa urgjente, konkrete dhe efektive për mbështetje ekonomike dhe lehtësim të barrës financiare për qytetarët,” thuhet në njoftimin e PDK-së.
