Policia e Vlorës ka finalizuar operacionin “Epilogo” për kapjen e Fredi Arshit, 60 vjeç, i shpallur në kërkim ndërkombëtar. Ai ishte dënuar nga autoritetet italiane me 11 vjet e 6 muaj burgim për pjesëmarrje në një organizatë kriminale dhe trafik droge.
Arrestimi i tij u realizua në lagjen “10 Korriku” në Vlorë dhe tani pritet ekstradimi i tij në Itali, ku do të vuajë dënimin.
Bashkëpunimi ndërmjet Interpolit Tirana dhe Interpolit Roma ka lejuar realizimin e këtij operacioni.
