Kryebashkiaku i Tiranës, Erion Veliaj, ka kaluar natën në qeli pasi u arrestua më 10 shkurt nga SPAK në zyrën e tij. Mëngjesin e sotëm, ai u vizitua nga Sekretari i Përgjithshëm, Alban Dokushi, i cili e kishte shoqëruar Veliajn edhe në pyetjen e tij në SPAK.
Dokushi mbante në duar disa dokumente dhe një libër të titulluar “The Black Swan”, të cilin duket se ia ka dërguar Veliajt për ta lexuar gjatë qëndrimit të tij në paraburgim.
Po ashtu, në bllokun e sigurisë “Mine Peza” është paraqitur edhe avokati i Veliajt, Henrik Ligori. Kryebashkiaku do të paraqitet më 12 shkurt në Gjykatën e Posaçme të Shkallës së Parë për të njohur masën e sigurisë.
