Kryeministri Edi Rama ka reaguar lidhur me përfshirjen e deputetes Klotilda Bushka në dosjen e hetimit për arrestimin e Erion Veliajt.
Rama ka theksuar se kryetarja e Komisionit të Ligjeve është njoftuar për statusin e saj si person i dyshuar vetëm përmes televizionit, duke theksuar se ajo nuk është thirrur, as pyetur, dhe as dëgjuar nga autoritetet hetimore.
“Ky është një takim jashtë radhe i Grupit me kërkesë të kryetares së Komisionit të Ligjeve, gjë që e kemi pranuar për faktin se të gjithë jemi të befasuar që kryetarja e Komisionit figuron në atë aktakuzë për kryetarin e Bashkisë dhe bashkëshorten e tij.
Ndërkohë që kryetarja e Komisionit të Ligjeve e ka marrë vesh për përfshirjen e saj në këtë aktakuzë si person i dyshuar nga televizori, as nuk është thirrur, as nuk është pyetur dhe as nuk është dëgjuar.”, u shpreh kryeministri.
