Një shumë parash është vjedhur në banesën e një ish-mjekeje në lagjen “Ura Dervishbeg” në Shkodër. Ish mjekja së bashku me bashkëshortin e saj kanë denoncuar në polici për humbjen e parave gjatë kohës që nuk kanë qenë në shtëpi.
Dyshohet se shuma e vjedhur është mbi 100 mijë euro dhe ata i mbanin të fshehur në një dollap të dhomës së gjumit. Ndërsa autori ka shkuar në banesë i maskuar me biçikletë dhe ka vjedhur shumën e parave.
Dyshimet e hetuesve janë për njeri të njohur të familjes, bazuar në mënyrën se si ka vjedhur, pa thyerje, me çelës dhe me informacion të detajuar për vendndodhjen e parave. Ndërkohë policia po punon për identifikimin e tij.
