Kryeministri Edi Rama njoftoi se Shqipëria ka marrë letrën e Presidencës Polake të BE për çeljen e grupkapitullit 3 të negociatave, duke hapur një tjetër portë në rrugën e integrimit europian.
Ai theksoi gjithashtu se më herët, më 29 janar, Shqipëria kishte marrë letrën për çeljen e grupkapitullit 2, duke e çuar më tej procesin e integrimit.
“Dje morëm letrën e Presidencës Polake të BE, për çeljen e grupkapitullit 3 të negociatave ndërkohë që në 29 janar kemi marrë letrën për çeljen e grupkapitullit 2, pra për hapjen e dy dyerve të tjera në korridorin drejt sallës së madhe të familjes së bashkuar europiane.
Sa mbarova fjalën live këtu në kryeministri, ku me ekipin kombëtar të negociatave po prezantojmë edhe për publikun modelin e Inteligjencës Artificiale, i cili sapo ka hyrë në funksion me orë të plota pas testimeve të suksesshme.”
