Policia e Shkodrës ka zbardhur vjedhjen në banesën e mjekes Zhaneta Doçi, ku u grabitën mbi 100 mijë euro.
Dy autorët e dyshuar, Frederik Shkambi dhe Mikel Gjoni, janë shpallur në kërkim dhe akuzohen për vjedhje dhe prodhim narkotikësh. Gjatë kontrollit në shtëpitë e tyre, u gjetën prova të kundërligjshme, përfshirë maska dhe lëndë narkotike.
Vjedhja ndodhi kur mjekja dhe bashkëshorti nuk ishin në shtëpi. Policia po vazhdon hetimet për kapjen e autorëve.
