Një aksident ka ndodhur mbrëmjen e sotme në aksin rrugor Berat-Roskovec, ku si pasojë e përplasjes së dy automjeteve, ka humbur jetën një person. Ngjarja ndodhi rreth orës 18:00, në fshatin Suk 1, kur automjeti i drejtuar nga shtetasi Q. M. përplasi automjetin tjetër që drejtohej nga K. A. Dyshohet se shkaku i aksidentit ishte ndërprerja e rrugës nga disa bagëti të imëta.
Si pasojë e përplasjes, çobani F. G., i cili po kalonte bagëtitë në rrugë, ka humbur jetën, dhe disa krerë bagëti kanë ngordhur. Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
